‘आम्मा कसम याँ दुख्छ २’ साउन २० देखि प्रशारण हुने
काठमाडौ । नेपालकै पहिलो कमेडी रोस्ट शो ‘आम्मा कसम याँ दुख्छ’को दोश्रो सिजन प्रशारण हुने भएको छ । साउनको २० गते शनिबारदेखि यो शो नेपाल टेलिभिजनमा बेलुकी ८ः४० मा प्रशारण हुन लागेको हो । शोकी निर्देशक श्रद्धा प्रसाँइका अनुसार, यसपटक दर्शकले झनै बढी मज्जा लिन सक्नेछन् । शोमा यसपटक प्रनेश गौतमलाई समेत भित्राइएको श्रद्धाले बताइन् ।
यो शोको ५ वटा भागको छायांकन भैसकेको होस्ट विक्की अग्रवालले जानकारी दिए । उनले, रोस्ट हुने भएतापनि यसपटकको सिजनमा गेस्ट पाउनका लागि गाह्रो नभएको बताए । एन क्यासको प्रस्तुतिमा तयार भएको यो शोको पहिलो भागमा केवश स्थापितसँगको कुराकानी हेर्न पाइनेछ ।
शोमा बिना त्रिपाठीलाई डिजे मायाको भूमिकामा देख्न पाइनेछ । शोको लेखनको काम सुशान्त बस्याल र विकास अर्यालले गरेका छन् ।
