पदबाट राजीनामा दिएको झन्डै डेढ महिना पछि पुनः काममा फिर्ता
दाङ – दाङको घोराही उपमहानगरपालिका–८ का वडाध्यक्ष जितेन्द्र शाह अध्यक्ष पदबाट राजीनामा दिएको झन्डै डेढ महिना पछि पुनः काममा फर्किनुभएकाे छ ।
उपमहानगरले असार १० गते ल्याएको बजेटप्रति असुन्तुष्टि जनाउँदै वडाध्यक्ष शाहले पदबाट राजीनामा दिनुभएको थियो । वडाका लागि पर्याप्त बजेट विनियोजन नभएकाे भन्दै उहाँले पदबाट राजीनामा दिनुभएको थियो । वडाध्यक्ष शाहले राजीनामा दिए पनि उहाँको राजीनामा भने स्वीकृत भएको थिएन ।
उपमहानगरपालिकाले उहाँको विकास योजनाको मागलाई सम्बोधन गर्ने सहमति भएपछि उहाँ आज बिहीवारदेखि काममा फर्किनुभएको हो । गएकाे पालिका चुनावमा शाह नेकपा एमालेबाट वडाध्यक्षमा निर्वाचित हुनुभएको थियो।
