धनकुटा ५ मा विभिन्न ४ भातृ संस्था गठन
धनकुटा । धनकुटा नगरपालिका वडा नं ५ मा नेपाली कांग्रेसको विभिन्न भातृ संस्थाहरु गठन गरिएको छ ।
पार्टीको आन्तरिक विशेष अभियान अन्र्तगत त्यस वडामा ज्योती प्रधानको अध्यक्षतमा सेवा दल, गोविन्द श्रेष्ठको अध्यक्षतामा नेपाल किसान संघ, पवित्रा पाचकोटीको अध्यक्षमा नेपाल दलित संघ र जिना श्रेष्ठको अध्यक्षमा नेपाल लोकतान्त्रिक आदिवासी जनजाती संघ गठन गरिएको वडा उपसभापती गोविन्द्र राईले वताउनु भयो ।
वडामा सञ्चालित विशेष अभियान समापन कार्यक्रममा बोल्दै जिल्ला सविच तथा धनकुटा नगर संयोजक विजय सन्तोषी राईले पार्टीले धनकुटालाई सम्पन्न र जनतालाई सम्मानित बनाउने वताउनु भयो । उहाले यो अभियानबाट कांग्रेस पूर्ण रुपमा रुपान्तरण हुने समेत उल्लेख गर्नुभयो । ५ नं वडा सभापति धन कुमार राईको अध्यक्षतमा सम्पन्न कार्यक्रममा नेपाली कांग्रेस धनकुटका जिल्ला सदस्य तथा वडा नं. ५ का संयोजक निरुपा राईले अभियानको उदेश्य बारे जानकारी गराउनु भएको थियो ।
कार्यक्रमको संचालन वडा उपसभापति शम्भु प्रधानले गर्नु भएको थियो । स्वागत मन्तव्य अर्का उपससभापति राईले राख्नु भएको थियो ।
