धनकुटामा पुर्वी पहाडकै पहिलो चार्जिङ स्टेशन सञ्चालनमा
धनकुटा,असोज १ । धनकुटामा पुर्वी पहाडमै पहिलो पटक बिद्युतीय सबारी साधनको लागि चार्जिङ स्टेसन सञ्चालनमा ल्याइएको छ ।
धनकुटा नगरपालिका वडा नम्बर एक सुकेपाखरीमा स्थानिय ब्यबसायी मिलन खड्काले करीब १७ लाख रुपैयाको लागतमा चार्जिङ स्टेसन सञ्चालनमा ल्याउनु भएको हो । जसमा नेपाल प्राधिकरणले नि:शुल्क ट्रान्सफर्मर दिएको छ ।
त्यस्तै चार्जिङ प्वाईन्ट सिजी ग्रुपले उपलब्ध गराएको सञ्चालक खड्काले जानकारी दिनुभयो । तीस किलोवाट क्षमताको फास्ट चार्जिङ स्टेशन हो यो,स्टेसनमा एक पटकमा एउटा सबारीसाधन चार्ज गर्न मिल्ने र ४० मिनेटमा फुल चार्ज हुने उहाको भनाई छ । पहाडीक्षेत्रमा पनि बिधुतिय सबारीसाधन आउन थालेकाले निजि लगानीनै स्टेसन सञ्चालनमा ल्याईएको उहाले बताउनु भयो ।
यो पुर्वी पहाडको पहिलो चार्जिङ स्टेसन रहेको जनाइएको छ । बिद्युत प्राधिकरण र निजी क्षेत्रले तराई र ठुला बजारमा सञ्चालनमा ल्याएपछि पुर्वी पहाडका पहाडी जिल्लामा भने सञ्चालनमा आउने सकेको थिएन ।
चार्जिङ स्टेशनको धनकुटाका प्रदेश सभा सदस्यद्वय ईन्द्रमणी पराजुली र निरन राईले सोमबार उद्घाटन गर्नु भयो । उद्घाटनमा बोल्दै पराजुलीले सबै तिर बिधुतीय सबारी सञ्चालन गर्न सके मात्र परि धेरै ब्यापार घाटा कम हुने र धेरै बिद्युत नेपालमै खपत गर्न सकिने बताउनु भयो ।
