जिल्लाको विकास निर्माणमा सबैको सहयोग आवश्यक छ : राज्यमन्त्री राई
धनकुटा, १० असोज । कोशी प्रदेशका नवनियुक्त आर्थिक मामिला तथा योजना राज्यमन्त्री निरन राईले मन्त्रालयको अवस्थाको अध्यान गरेर विकास निर्माणका कामलाई अगाडी बढाउने बताउनु भएको छ ।
मन्त्री नियुक्त भएपछि पहिलो पटक गृह जिल्ला धनकुटा आउनु भएका राईले आर्थिक मामिला तथा योजना मन्त्रालयले संचालन गर्ने स्रोत साधनको अवस्थाको अध्यायन गरी आफुले कामलाई अगाडि बढाउने बताउदै जिल्लाको विकास निर्माणमा सबैको सहयोग आवश्यक रहेको बताउनु भएको हो ।
नेपाल पत्रकार महासंघ धनकुटाले धनकुटामा आयोजना गरेको बधाई कार्यक्रममा बोल्दै मन्त्री राईले कोशी प्रदेश सरकार संग जोडिएका बिषयहरुमा आफुले जिल्लामा रहंदा सरोकारवाला निकायहरुसंग समेत छलफल गरेको बताउँदै जिल्लाको विकास निर्माणमा आफुले सक्दो प्रयास गर्ने बताउनु भयो ।
उहाँले नेपाल पत्रकार महासंघ धनकुटाको भवन निर्माणका लागि समेत आफुले सक्दो सहयोग गर्ने प्रतिबद्धता व्यक्त गर्नु भयो । सो अवसरमा नेपाल पत्रकार महासंघ धनकुटाका अध्यक्ष नगेन्द्र राई , सचिव हरीबहादुर लम्जेल, सहसचिव इश्वर थापा, पत्रकार विकास घिमिरे, सन्तोष सुवेदी लगायतले मन्त्री राई लाई कार्यसफलताको शुभकामना व्यक्त गर्नु भएको थियो ।
