धनकुटाको पाख्रिबासमा दीप प्रज्वलन(फोटो फिचर)
धनकुटा । इजरायलमा ज्यान गुमाएका नेपाली विद्यार्थीको सम्झनामा धनकुटाको पाख्रिबासमा दीप प्रज्वलन गरिएको छ ।
मंगलवार साँझ प्राकृतिक स्रोत व्यवस्थापन कलेज, पाख्रीबास-३ को प्रांगणमा कलेजका विधार्थीहरु र चेतना युथ क्लबका सदस्यहरुद्वारा दीप प्रज्वलन गरिएको हो ।
ज्यान गुमाएका नेपाली विद्यार्थीको आत्माको चीर शान्तिको कामना गर्दै फसेका सम्पुर्ण नेपालीहरुको सकुशल उद्वारको कामना गर्दै दीप प्रज्वलन गरिएको हो ।
हमासले असोज २० गते बिहान इजरायलको दक्षिणी क्षेत्रमा आक्रमण गरेको थियो । त्यस आक्रमणमा परेर १० जना नेपाली विद्यार्थीको ज्यान गएको थिए ।
उनीहरू कृषि अध्ययनका लागि इजरायल पुगेका थिए । इजरायल सरकारको ‘अर्न एन्ड लर्न’ कार्यक्रम अन्तर्गत २६५ नेपाली विद्यार्थी इजरायल गएका थिए ।
हाल पाख्रीबास-३ मा अवस्थित कृषि कलेजबाट “अर्न एन्ड लर्न’ ” कार्यक्रममा भर्खरै इजरायल पुगेका ९ जना विधार्थीहरु अहिलेसम्म सकुशल रहेको जनाइएको छ ।
तस्बीर स्रोत :चेतना युथ क्लबको फेसबुक
