सहिदभूमिका घाइते राईको बुबाले गरे आर्थिक सहयोगको याचना
धनकुटा । धनकुटाको सहिदभूमि गाउँपालिका २ का राम कुमार राईले आर्थिक सहयोगको लागि याचना गरेका छन् ।
राईका १९ बर्षिय छोरा समिर राईले हिजो शरीरमा पेट्रोल छर्किएर आत्मदाहको प्रयास गरेका थिए ।
गोकुण्डेश्वर बालमन्दिर माध्यमिक विद्यालय धनकुटा-५ मा कक्षा ९ मा अध्ययनरत विद्यार्थी राईको शरिर आगोले करिब ६५-७० प्रतिशत जलेको छ ।
घाइते राईको विपी कोइराला स्वास्थ्य बिज्ञान प्रतिष्ठान धरानमा उपचार हुन नसकेपछि थप उपचारको लागि ब्रुन्ट हस्पिटल काठमाडौमा लगिएको छ ।
घरको आर्थिक अवस्थ नाजुक भएकोले मनकारी ब्यक्ति, संघ संस्था लाई छोराको उपचारको लागि बुबाले सामाजिक संजाल मार्फत सहयोगको लागि याचना गरेका छन् ।
सहयोगी मनकारीले सहयोगको लागि घाइते समिरका बुबा राम कुमार राईको सम्पर्क नम्बर ९८४२३९००९६( 9842390096) मा सम्पर्क गर्न सक्नु हुनेछ ।
