चोरी उद्योग मुद्धामा फरार प्रतिवादी पक्राउ
बिराटनगर, पुस १६ । कोशी प्रदेश प्रहरी कार्यालय बिराटनगर (PIT) समुहबाट खटिएको प्रहरी टोलीले चोरी उद्योग मुद्धाका एक जना फरार प्रतिवादीलाई पक्राउ गरेको छ ।
चोरी उद्योग मुद्धामा सम्मानित मोरङ जिल्ला अदालतको मिति २०७९/०८/२१ गतेको सजाय निर्धारण फैसला आदेशले ७ महिना ४ दिन कैद र नगद ८ हजार ५ सय २० रुपैया जरिवाना बेरुजु रहि फरार रहेका कटहरी गाउँपालिका-२ मोरङका २६ बर्षीय कनिश बस्नेतलाई खोज तलास गर्ने क्रममा गाँउघरमा नै लुकिछिपी बसेको अबस्थामा फेला पारी पक्राउ गरेको हो ।
पक्राउ परेका बस्नेतलाई सम्मानित मोरङ जिल्ला अदालतमा उपस्थित गराएकोमा तोकिएको कैद तथा जरिवाना भुक्तानको लागि जिल्ला कारागार मोरङ पठाईएको छ ।
