पूर्वाञ्चल गट ट्यालेन्ट सिजन-५ को उपाधि सिजन र निष्मालाई
धनकुटा । हिजो सम्पन्न पूर्वान्चल गट ट्यालेन्ट सिजन ५ को उपाधि धनकुटाका सिजन भट्टराई र भोजपुरका निष्मा श्रेष्ठले हात पारेका छन् ।
भट्टराईले गायन र श्रेष्ठले नृत्य तर्फको उपाधि जितेका हुन् ।
त्यसैगरि गायनतर्फ धनकुटाको पाख्रीवासकी स्वीकृति राई द्वितीय र पाख्रीवासकै इन्वाङ राई तृतीय भएका छन् भने नृत्यतर्फ तेह्रथुमको द राइजिङ ग्रल्स द्वितीय र धनकुटाको स्क्वार्ड समूह तृतीय भएका छन् ।
कोशी प्रदेशका १४ वटै जिल्लाबाट छनौट गरिएका प्रतिभाहरु मध्ये अन्तिम प्रतिस्पर्धाका लागि नृत्य तर्फ १४ र गायन तर्फ १२ जनाले प्रतिष्पर्धा गरेका थिए ।
प्रतियोगिताको निर्णायकहरुमा गायन तर्फ गायक कृष्णभक्त राई, जुनी खालिङ्ग राई र महेश राई तथा नृत्य तर्फ युसिन यस्माली मगर र विशेष गुरुङ रहेका थिए ।
