ओरीले आफ्नो इयररिङ फुकालेर किन दिए रिहानालाई?
एजेन्सी । गायिका रिहाना हालै भारतीय धनाढ्य मुकेश अम्बानीका कान्छा छोरा अनन्त र राधिका मर्चेन्टको प्रि-वेडिङ समारोहमा प्रस्तुति दिन भारत आएकी थिइन्।
दुई दिनका लागि आएकी रिहानाले समारोहमा आफ्ना गीतहरूको प्रस्तुति दिएकी थिइन्।
सोही अवसरमा भारतीय सेलेब्रेटीहरूसँग पनि उनको भेटघाट भएको थियो। उनले बलिउड कलाकारहरूका साथमा नाच्दै रमाइलो गरेका भिडिओहरू सार्वजनिक भएका छन्।
यसबीच अहिले सामाजिक सञ्जालमा अर्को भिडिओ पनि चर्चामा छ जसमा रिहाना र ओरी रमाइलो गर्दै गरेका देखिन्छन्।
यति मात्र होइन, ओरीले आफ्नो कानमा लगाएको इयररिङ खोलेर रिहानालाई दिएका पनि छन्। ओरी उक्त पार्टीमा स्टाइलिस इयररिङ लगाएका गएका थिए।
भारतीय सञ्चारमाध्यमहरूका अनुसार रिहानालाई ओरीको इयररिङ खुब मनपरेपछि ओरीले खोलेर उनलाई दिएका हुन्। भिडिओमा पनि ओरीले आफ्नो इयररिङ खोलेर रिहानालाई दिँदै गरेको देखिन्छ। रिहानाले पनि उक्त इयररिङसँग पोज दिँदै फोटाहरू खिचाएकी छन्।
रिहाना र शाहरूख खानले सँगै खिचेको फोटोमा पनि रिहानाले ओरीले दिएको इयररिङ देखाएकी छन्।
ओरीले रिहानासँगका केही फोटा र भिडिओहरू सामाजिक सञ्जालमा राखेका छन्। आफ्नो इयररिङले सही ठाउँ पाएको पनि उनले लेखेका छन्।
ओरहान अवत्रामणि उर्फ ओरी पछिल्लो समय निकै चर्चामा छन्। बलिउड कलाकारहरूसँग, विशेषगरी अभिनेत्रीहरूसँग फोटादेखि समारोह र उत्सवहरूमा समेत नछुट्ने मुकेश अम्बानीको परिवारसँग पनि घुलमिल भइसकेका छन्।
ओरी पहिले मुम्बईको सामाजिक कार्यकर्ता हुन्। उनी अभिनेत्री सारा अली खानसँगै कोलम्बिया युनिभर्सिटीमा पढाइ गरेका थिए।
