बहिनी गुमाएको केही घण्टामै भारतीय टिभी अभिनेत्री डोलीको पनि निधन
मुम्बइ । अमनदीप सोहीको निधन भएको २४ घण्टा नबित्दै अभिनेत्री डोली सोहीको निधन भएको छ । डोली र अमनदीप दिदी-बहिनी हुन् ।
बहिनीको निधन भएको केही घण्टामै भारतीय टेलिश्रृंखलाकी अभिनेत्री डोली सोहीको पनि निधन भएको हो । डोलीकी बहिनी अमनदीप सोहीको गएराति जण्डिसका कारण निधन भएको थियो ।
बहिनीको निधन केही घण्टामै डोलीको आज निधन भएको हो । ४८ वर्षीया डोली पाठेघरको मुखको क्यान्सर(सर्भिकल क्यान्सर)बाट ग्रसित थिइन् । उनी यस रोगको उपचार समेत गराइरहेकी थिइन् ।
डोलीका भाइ मनप्रित सोहीले दिदीहरुको मृत्युको पुष्टि गरेका हुन् ।
‘डोली दिदीको आज अपोलो अस्पतालमा बिहान करिब ४ बजे निधन भएको हो। उहाँलाई पाठेघरको क्यान्सर थियो जुन उहाँको फोक्सोसम्म फैलिएको थियो । स्वास्थ्य एक्कासी बिग्रिएपछि हामीले उहाँलाई हिजो राति अस्पताल भर्ना गराएका थियौं’, डोलीको निधनबारे मनप्रितले भारतीय सञ्चारमाध्महरुमा भनेका छन् ।
डोलीले ‘भाभी, कलश, मेरी आशिकी तुम से ही, खुब लडी मर्दानी, झाँसी की रानी’ जस्ता टेलिशृंखलामा अभिनय गरेकी छन् । पेशाले डोलीकी बहिनी अमनदीप पनि कलाकार नै हुन् ।
गत महिना एक ईन्स्टाग्राम भिडिओमा अमनदीप सोहीले पाठेघरको क्यान्सरको कारण आफ्नो मृत्युको झुटो हल्ला फैलाएकीमा मोडल पुनम पाण्डेलाई आलोचना गरेकी थिइन् ।
आफ्नी दिदी डोली सोही सर्भिकल क्यान्सरसँगै लड्दै गरेकाले रोगलाई लिएर मजाक गरेकोमा आफू र आफ्नो परिवारलाई गहिरो चोट लागेको उनको भनाइ थियो ।
