सहिद भीमनारायण गोल्डकपमा सिरहाको सहलेस फुटबल क्लवलाई हराउँदै आयोजक धनकुटा सेमिफाइनलमा प्रबेश
धनकुटा,२६ बैशाख । धनकुटामा जारी १६ औं सस्करणको शहिद भीमनारायण गोल्डकप फूटबल प्रतियोगिताको बुधबार भएको खेलमा सिरहाको सहलेस फूटबल क्लवलाई हराउँदै आयोजक धनकुटा सेमि फाइनलमा प्रवेश गरेको छ ।
धनकुटा सदरमुकामको तल्लो टुँडिखेलमा आज सम्पन्न चौथो क्वाटर फाइनल खेलमा सिरहाको सहलेस फूटबल क्लवलाई १–० गोलअन्तरले हराउँदै आयोजक धनकुटा सेमि फाइनलमा प्रवेश गरेको हो ।
धनकुटाका लागि खमिर गिल्सन कन्दङवाले दोस्रो हाफमा गरेको गोल नै निर्णयक बन्यो । भोलीको पहिलो सेमि फाइनल खेल शसस्त्र प्रहरीको एपिएफ फूटबल क्लव र सुनसरीको राष्ट्रिय जागृती फूटबल क्लवबीच हुने आयोजकले जनाएको छ ।
