बिर्तामोड युनाइटेडले उचाल्यो भीमनारायण गोल्डकपको उपाधि
विकास घिमिरे/धनकुटा,२९ बैशाख । धनकुटामा जारी सहिद भीमनारायण श्रेष्ठ स्मृती गोल्डकप फुटबल प्रतियोगिता अन्तर्गत १६ औं संस्करणको उपाधी झापाको बिर्तामोड यूनाइटेड क्लवले हात पारेको छ ।
शनिबार सम्पन्न फाइनल खेलमा बिर्तामोडले शसस्त्र प्रहरीको एपिएफ फूटबल क्लवलाई ३–० गोल अन्तरले पराजित गर्दै उपाधि हात पारेको हो । विययी टोली बिर्तामोड यूनाइटेडका लागि आषिस चापागाई, अभिषेक गुरुङ र देवेन्द्र तामाङले खेलको दोस्रो हाफमा गोल गरे उपाधि बिजेता बिर्तामोडले पाँचलाख रुपैयाँ नगद र ट्रफि हात पारेको छ ।
उप विजेता बनेको शसस्त्र प्रहरीको एपिएफले दुइलाख ५० हजार रुपैयाँमा चित्त बुझायो । खेलको सवोत्कृष्ठ खेलाडि बिर्तामोड यूनाइटेडका आषिस चापागाई घोषित भए ।
