नेकपा एमाले नगर कमिटी धनकुटाको शुभकामना आदान-प्रदान कार्यक्रम सम्पन्न
धनकुटा, ८ असोज । नेकपा एमाले नगर कमिटी धनकुटाले विजया दशमी, दिपावली, नेपाल सम्वत्, छठ, ल्होसार,वाडामेट, मंसिरे चाड, साकेला लगायत नेपालीहरुले मनाउने विभिन्न चाडपर्वको अवसरमा शुभकामना आदान प्रदान कार्यक्रम सम्पन्न गरेको छ ।
शुभकामना आदन प्रदान कार्यक्रमा बोल्दै सहभागिहरुले सबै चाडपर्वले नेपालीहरुमा सुख शान्तिको कामना गर्नु भएको थियो । शुभकामना आदान प्रदान कार्यक्रममा बोल्दै नेकपा एमालेका केन्द्रिय सदस्य तथा पूर्व मन्त्री राजेन्द्र कुमार राईले अवको एमालेको लक्ष्य भनेको मिसन ८४ भएकोले त्यस अनुसार अगाडी बढ्नु पर्ने बताउनु भयो ।
त्यस्तै नेकपा एमाले धनकुटाका अध्यक्ष शिव आङ्गलाले पाटीले आन्तरिक संगठन लाई मजबुत बनाउँदै अगाडी बढी रहेको भन्दै बाँकी रहेका पाटी भित्रका कम पुरा गर्न सबै लाग्नु पर्ने बताउँनु भयो ।
कार्यक्रममा जनसंस्कृतिक महासंघको संस्कृतिक कार्यक्रम तथा पालिका स्तरिय संगठन कमिटीको सपथ ग्रहण कार्यक्रम समेत राखिएको थियो ।
