विशेष अभियानले पार्टीलाई पूर्ण एकता कायम गर्न सहयोग पुग्छ : संग्रौला
धनकुटा । नेपाली कांग्रेसका केन्द्रिय सदस्य डा डिला संग्रौलाले १०० दिने विशेष अभियानले पार्टीलाई गाउँगाउँबाटै थप सक्रिय बनाउने वताउनु भएको छ ।
धनकुटाको महालक्ष्मी नगरपालिकामा शनिवार नेपाली कांग्रेसको १०० दिने विशेष अभियानको उद्घाटन गर्दै नेता संग्रौलाले त्यस्तो बताउनु भएको हो । उहाँले यो अभियानले पार्टीलाई पूर्ण एकता कायम गर्न सहयोग पुग्ने उल्लेख गर्नुभयो ।
त्यस्तै जिल्ला सभापति दिनेश राईले नेपाली कांग्रेसले मात्र मुलुकको समग्र विकास गर्नसक्ने वताउनु भयो । पूर्व सभापतिहरु मनोहर नारायण श्रेष्ठ र अग्नी पौडेलले कांग्रेस एक भए कसैले कांग्रेसलाई हराउन नसक्ने वताए । महालक्ष्मी नगरपालिकाका प्रमुख ध्रुव राज रायले महालक्ष्मीमा कांग्रेसको नेतृत्वमा रहेको स्थानीय सरकारले जनताको पक्षमा लोकप्रिय कार्यक्रमहरु गरिरहेको वताउनु भयो ।
अभियान उद्घाटन कार्यक्रममा सचिव विजय सन्तोषी राई,सहसचिव श्रीराम रायमाझीले १०० दिने विशेष अभियानको वारेमा प्रकाश पारेका थिए । नेपाली कांग्रेस महालक्ष्मी नगर कार्य समितिका कार्यवहाक सभापति हिक्तम भण्डारीको अध्यक्षतमा सम्पन्न कार्यक्रममा स्वागत मन्तव्य उपसभापति नरेन लुम्बाले राख्नु भएको थियो ।
धनकुटाको महालक्ष्मी नगरपालिकाको ९ वटै वडामा जिल्लाबाट खटिएको जिल्ला प्रतिनिधिहरुले आ आफ्नो वडाहरुमा पुगेर वडावासीसंग भेटघाट तथा छफल गर्ने लगायतका अन्य विभिन्न कार्यक्रमहरु गर्ने जिल्ला सचिव राईले वताउनु भयो ।
