जय ट्रफीः मधेसलाइ हराउँदै आर्मी ८ विकेटले बिजयी
काठमाडौं, २८ पुस । त्रिभुवन आर्मी क्लब ८ विकेटले बिजयी भएको छ ।
जय ट्रफी एलिट कप अन्तरगतको खेलमा त्रिभुवन आर्मी क्लबले मधेश प्रदेशलाई ८ विकेटले हराउँदै बिजयी भएको हो । मधेश प्रदेशले दिएको जम्मा २८ रनको लक्ष्यलाई आर्मीले २ विकेट क्षतिमा नै सफलता हासिल गरेको हो ।
आर्मीले पहिले ब्याटिङ गर्दै ९ विकेट क्षतिमा २२५ रन बनाएर पारी समाप्तिको घोषणा गरे पनि मधेश प्रदेश पहिलो इनिङमा १०२ रनमै अलाउट भएर फलोअनमा परेको थियो । जारी खेलमा १२३ रनले पछि परेको मधेशले दोस्रो इनिङमा भने १५० रन मात्रै जोड्न सक्यो ।
जम्मा २८ रनको लक्ष्य पाएको आर्मीले त्रितराज दास र सन्तोष कार्कीलाई गुमाए पनि ओपनर इमरान सेख र बसिर अहमदले टिमलाई जित दिलाउन सफल भएका थिए ।
जितसँगै त्रिभुवन आर्मी क्लव फाइनल नजिक पुगेको छ भने मधेशको टिम भने आइतवारबाट बाहिरिएको छ ।
