झापामा पत्नीले धारिलो हतियारले हान्दा पति गम्भीर घाइते
झापा । झापाको मेचीनगरमा पतिपत्नीबीचको झगडामा पत्नीले धारिलो हतियारले हान्दा पति गम्भीर घाइते भएका छन् ।
मेचीनगर-६ जेसिका ठ्याकमा हरि श्रेष्ठको घरमा डेरामा बस्ने ३१ वर्षीय अमर लिम्बूलाई उनकी पत्नी २८ वर्षीया सुमित्रा खत्री (लिम्बू) ले आपसी विवादपछि धारिलो हतियार प्रहार गरेकी थिइन् ।
अमरको टाउको र हातमा गहिरो चोट लागेको प्रहरीले जनाएको छ । उनलाई उपचारका लागि आम्दा मेची अस्पताल धुलाबारी पठाइएको छ ।
घाइतेको अवस्था मध्यम रहेको र धारिलो हतियार प्रहार गर्ने उनकी पत्नी सुमित्रालाई इलाका प्रहरी कार्यालय काँकरभिट्टाले नियन्त्रणमा लिएको छ ।
खत्रीले हिजो साँझ ०७ः२५ बजे पति अमरलाई हतियार प्रहार गरेकी हुन् । घटनाबारे अनुसन्धान भइरहेको प्रहरीले जनाएको छ । उनीहरुको स्थायी घर अर्जुनधारा-२ खुदुनाबारी भएको बताइएको छ ।
