धनकुटाको सहिदभूमिमा एक पुरुष मृत फेला
धनकुटा,२७ माघ । धनकुटामा एक जना पुरुषको शव फेला परेको छ ।
उक्त शव जिल्लाको सहिदभूमि गाउंपालिका ३ छिन्तांग श्रीवानी स्थित कार्की खोलामा शनिवार दिउंसो फेला परेको हो ।
अन्दाजी ३५ बर्षको उक्त पुरुषको पहिचान खुल्न बांकी रहेको र शवलाई जिल्ला अस्पताल धनकुटामा राखिएको जिल्ला प्रहरी कार्यालय धनकुटाका प्रहरी निरीक्षक बिष्णु खड्काले धनकुटा खबरलाई जानकारी दिए ।
केही दिन अगाडि मगर थर भएका दम्पत्ती काम गर्न आएको साथै दुबैले मादक पदार्थ सेवन गर्ने गरेको र अहिले ती दुबै ब्यक्ति हराएकोले तीनै हुन् की भनेर उनीहरुको खोजी र शवको पहिचान गर्ने कार्य भइ रहेको निरीक्षक खड्काले बताए ।
