उमेरले ६८ वर्ष पुग्नु भएका बरुवालको सीप र जांगर यो उमेरमा पनि उत्तिकै
सर्मिला राई,धनकुटा । पाख्रीवास नगरपालिका वडा नं ३ निवासी ईन्द्र बरुवालको सीप र जांगर यो उमेरमा पनि उत्तिकै छ ।
उमेरले ६८ वर्ष पुग्नु भएका बरुवालले माग अनुसार डोको बुन्ने गर्नु भएको छ । यी डोकोहरु पनि चिया टिप्नका लागि बगानको माग अनुसार बुनेको उहाको भनाई छ ।
स्थानिय समूहकै वनबाट बाँस खरिद गरि चोया काढेर डोको बुन्ने गर्नु भएका बरुवालले एक दिनमै तीन वटा सम्म बुन्न सकिने अनुभव सुनाउनु भयो । यी डोको प्रतिगाेट्टा रु ५ सयका दरले बेच्ने गरिन्छ ।
डोको बुन्नका लागि समुहको वनबाट प्रतिगाेट्टा ४० रुपया बराबरको दरले बाँस किन्नु पर्ने उहाँको भनाई छ । यस्ता मात्र होइन उहाँले याो भन्दा पातला घाँस,दाउरा, सोतर बोक्न उपयोग गरिने खालका डोकोहरु पनि बुन्ने गर्नु भएको छ ।
खास कुरा त डोको बुन्न आवश्यक पर्ने बाँस, चाेया काढ्ने र डोको बुन्ने सीप पनि स्थानिय कै र डोको खरिद गरि उपयोग गर्ने पनि स्थानिय नै छन् ।
त्यसैले स्थानिय आवश्यक्ता र उपभोगको अध्ययन गरि आफ्नै कला सीप र आफ्नै उत्पादनको उपयोगलाई प्राथामिक्तामा राख्न सके एकातर्फ यस्ता सीप र उत्पादनलाई बढवा दिन सकिन्थ्यो भने अर्को तर्फ हामी सबैका लागि फलदायी पनि हुने थियो कि ?
