सुनसरीमा बसले मोटरसाइकललाई ठक्कर दिँदा एक जनाको मृत्यु
सुनसरी । सुनसरीमा बसले मोटरसाइकललाई ठक्कर दिँदा एक महिलाको मृत्यु भएको छ।
मृत्यु हुनेमा इटहरी उपमहानगरपालिका-५ बस्ने ५० वर्षीया चिनिमाया बुढाथोकी छिन्।
प्रहरीका अनुसार सोमबार दिउँसो दुहबी नगरपालिका-८ हुलास फ्याक्ट्रीअगाडि सडकमा विराटनगरबाट इटहरी जाँदै गरेको को१ख ७०२३ नम्बरको बसले प्र.१-०२-०५६ प ५५९३ नम्बरको मोटरसाइकललाई ठक्कर दिँदा बुढाथोकीको मृत्यु भएको हो।
मोटरसाइकल पछाडि सवार बुढाथोकी गम्भीर घाइते भएकोमा विराट मेडिकल कलेज टिचिङ अस्पताल बुढीगंगा मोरङमा उपचारको क्रममा मृत्यु भएको प्रहरीले जनाएको छ।
दुर्घटनामा घाइते भएका मोटरसाइकल चालकको विराट नर्सिङ होम अस्पतालमा उपचार भइरहेको छ।
प्रहरीले बस चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ।
