धनकुटामा एक पुरुष मृत फेला
धनकुटा,८ फागुन । धनकुटामा एक पुरुष मृत फेला परेका छन् ।
जिल्लाको छथर जोरपाटी गाउंपालिका ५ का ४६ बर्षिया खेम राज थापा मृत अवस्थामा बुधवार फेला परेका हुन् ।
थापा गत फागुन ३ बिहान घांस काट्न भनि घरबाट हिंडेको र नफर्किएपछि उनको खोजीको क्रममा नजिकै रहेको बोक्रे जंगलमा घांसको भारी बोकेकै अवस्थामा मृत फेला परेका हुन् ।
थापाको शव पोष्टमार्टमका लागि जिल्ला अस्पताल धनकुटामा राखिएको र घटनाका सम्बन्धमा थप अनुसन्धान भइरहेको जिल्ला प्रहरी कार्यालय धनकुटाले जनाएको छ ।
