सहिदभूमिमा न्यायिक समिति र सरोकारवाला संग अन्तरक्रिया कार्यक्रम सम्पन्न
धनकुटा । सहिदभूमी गाउँपालिका धनकुटाको आर्थिक वर्ष २०८१/०८२को वार्षिक कार्यक्रम अन्तर्गत न्यायिक समिति र सरोकारवालासंग अन्तरक्रिया कार्यक्रम सम्पन्न भएको छ ।
गाउँपालिका उपाध्यक्ष न्यायिक समिति संयाेजक रत्नश्वरी राईको प्रमुख आतिथ्यमा सम्पन्न भएको हो । यहि फागुन १ गते देखि ५ गते सम्म सञ्चालन भएको कार्यक्रम पालिकाको वडा नं . १,३,५, ६ गरि ४ वटा वडामा मा न्यायिक समिति र सरोकारवालसँग अन्तरक्रिया गर्दै कार्यक्रम सम्पन्न गरेको हो ।
वडा नं-१ का कार्यबाहक वडाध्यक्ष देवल कुमार राई , वडा नं. ३ का वडाध्यक्ष होमनाथ राई ,वडा नं .५ का कार्यबाहक वडाध्यक्ष सफल राई , र वडा नं ६ मा कार्यपालिका सदस्य दिवानी राईकाे अध्यक्षतामा अन्तरक्रिया कार्यक्रम सम्पन्न भएको थियोे । सहिदभूमि गाउँपालिका न्यायिक समितिले गरेका कार्यक्रमहरु र आगमी सञ्चालन हुने कार्यक्रमहरु बारेमा उजुरी प्रशासक शाखाका कर्मचारी दिपक राईले जानकारी दिनुभएको थियो ।
न्यायिक समितिको काम अधिकार तथा क्षेत्रहरु वारेमा छलफल गरी उक्त कार्यक्रममा न्यायिक समिति पदाधिकारीहरु वडाका जनप्रतिनिधिहरू गाउँपालिकाका सम्वन्धित वडाका वडा सचिव , पालिकाकाे विभिन्न शाखाका शाखा प्रमुख कर्मचारी , मेलमिलाप कर्ताहरु विभिन्न संघ संस्थाका प्रतिनिधिहरु सहभागी भएको उक्त कार्यक्रमको सहजिकरण सहजकर्ता निल बहादुर थापा र खिन्द्र बहादुर अधिकारीले गर्नु भएको थियो । गत आर्थिक वर्ष पालिकाकाे वडा नं २, ४ , ७ मा कार्यक्रम सम्पन्न गरेको उजुरी प्रशासक दिपक राईले जानकारी दिनुभयो ।
