झापा र मोरङमा सवारी दुर्घटनामा परी दुई जनाको मृत्यु
विरानगर, फागुन ११ गते । झापा र मोरङका छुट्टा छुट्टै दुई स्थानमा सवारी दुर्घटना हुँदा २ जनाको मृत्यु भएको छ ।
फागुन १० गते मोरङको उर्लाबारी नगरपालिका-७ स्थितमा दमकबाट उर्लाबारी तर्फ आँउदै गरेको को.१ त ६७८८ नम्बरको ट्याक्टरले मे.६ प ६०७९ नम्बरको मोटरसाईकललाई ठक्कर दिँदा मोटरसाईकल चालक झापा कमल गाउँपालिका-३ का ६२ बर्षीय धान्य प्रसाद बराल र मोटरसाईकल पछाडि सवार ६५ बर्षीय तारा नारायण श्रेष्ठ घाईते भएकोमा उपचारको लागि B&C अस्पताल बिर्तामोड लगिएकोमा उपचारको क्रममा श्रेष्ठको मृत्यु भएको हो ।
त्यसैगरी झापाको बुद्धशान्ति गाँउपालिका-२ स्थित मे.९ प ७४८२ नम्बरको मोटरसाईकलले ठक्कर दिई घाईते भएकी पैदल यात्री स्थानीय ७५ बर्षीया ईन्द्रमाया कार्कीलाई उपचारको लागि B&C अस्पताल बिर्तामोड पुर्याउन साथ उनको मृत्यु भएको हो भने दुर्घटनामा परी घाईते भएका मोटरसाईकलमा पछाडि सवार बुद्धशान्ति गाँउपालिका-७ का २४ बर्षीय रविन गड्तौलाको सिटी अस्पताल बुधबारे झापामा उपचार भईरहेको छ ।
घटनामा संलग्न ठक्कर दिने ट्याक्टर चालक उर्लाबारी-३ का २८ बर्षीय शेखर खवास र मोटरसाईकल चालक इलाम सुर्यदय नगरपालिका-१० का २१ बर्षीय भुवन न्यौपानेलाई नियन्त्रणमा लिई थप अनुसन्धान भईरहेको छ ।
