पाख्रीबास स्थित सयपत्री माध्यमिक विद्यालयमा एक दिने ‘कला तथा विज्ञान प्रविधि’ प्रदर्शनी सम्पन्न
धनकुटा । सयपत्री माध्यमिक विद्यालय पाख्रीबासमा अध्ययनरत कक्षा १ देखि ९ सम्मका बिद्यार्थीहरुको सक्रिय सहभागितामा आयोजित एक दिने ‘कला तथा विज्ञान प्रविधि’ प्रदर्शन कार्यक्रम सफलतापूर्वक सम्पन्न भएको छ।
विद्यार्थीहरूले अध्ययन गरेका विषयहरूलाई प्रयोग गरी जीवनोपयोगी बनाउन सकेमा अध्ययनको सार्थकता रहने कुरा बताउँदै आगामी दिनमा पनि यस्ता प्रकारका प्रदर्शनीले विद्यार्थीको मनोबल उच्च रहने कुरा पाख्रीबास नगरपालिकाका नगर प्रमुख ज्ञान बहादुर गुरुङले बताउनु भयो। अवलोकनकै क्रममा विद्यार्थीहरूले तयार गरेका कलात्मक तथा प्रविधियुक्त सामाग्रीहरूको प्रशंसा गर्दै बधाई पनि दिनुभएको थियो।
अवलोकन कार्यक्रममा पाख्रीबास नगरपालिकाका नगर प्रमुख गुरुंग लगायत अभिभावक तथा नगरबासीहरूको उपस्थिति रहेको थियो।
विद्यार्थीहरूको कडा मिहिनेतका साथै विद्यालयका व्यवस्थापकको पूर्ण साथ एवम् शिक्षक तथा कर्मचारीहरूको सक्रियतामा उक्त प्रदर्शनी सफल रहेको कुरा विद्यालयका प्रिन्सिपल दिपेश थापाले बताउनु भयो।
