शीतला देवी माध्यमिक बिद्यालय पाख्रीबासमा फुड फेस्टिवल सम्पन्न
महिमा तामाङ/धनकुटा,२४ फागुन । धनकुटाको पाख्रीबासमा फुड फेस्टिवल सम्पन्न भएको छ।
जिल्लाको पाख्रीबास ३ स्थित शीतला देवी माध्यमिक बिद्यालयको आयोजना गरेको उक्त फुड फेस्टिवलमा विद्यार्थीहरुले आफैले विभिन्न परिकारहरू बनाएर आफ्नो कला र शिप प्रस्तुत गरेका थिए ।
विद्यालयका प्रधानाध्यापक चन् पौडेलले विद्यार्थीको कक्षा कोठाको ज्ञान साथै उनीहरूको सृजनशीलता, उद्यमशीलता अभिवृद्धि गर्ने उद्देश्यले यस कार्यक्रमको आयोजना गरिएको बताए ।
फेस्टिवलमा ५ देखि कक्षा १० सम्मका र एउटा विद्यालयको तर्फबाट गरी ७ स्टलहरु राखिएको थियो । खानामा विभिन्न नेपाली परिकार लगायत चटपटे, पानीपुरी, क्रोन डग, कीमा नुडल्स, खापसे, मोजितो, माछा-मासुका परिकार राखिएको थियो।
विद्यालयको प्रशासनका अनुसार यस फुड फेस्टिवल सम्पन्न हुनुमा स्थानीय निकाय ( वडा, नगर ) तथा विद्यार्थी र विद्यालयको ठूलो भूमिका रहेको छ भने सो बाट संकलित रकम विभिन्न क्षेत्रमा चन्दाको रुपमा दिइने जानकारी दिए ।
फेस्टिवलमा पाख्रीबास नगरपालिकाका प्रमुख ज्ञान बहादुर गुरुङ,उप प्रमुख नम्रता गौतम लगायतका विभिन्न संघ संस्था, अविभावक,शिक्षक,बिद्यार्थी लगायतको सहभागीता रहेको थियो ।
