धनकुटाको पाख्रीवास ८ का जेष्ठ नागरिक, कृषक तथा कर्मचारीहरुलाई सम्मान
धनकुटा । धनकुटाको पाख्रीवास नगरपालिका वडा नं ८ का जेष्ठ नागरिक, कृषक तथा कर्मचारीहरुलाई सम्मान गरिएकाे छ ।
शनिवार वडामा नागरिक तथा कृषक सम्मान कार्यक्रमकाे आयाेजना गरि वडा नं ८ का ७५ जना नागरिक, कृषक तथा कर्मचारीहरुलाई सम्मान गरिएकाे हाे ।उनिहरुलाई पाख्रीवास नगरपालिकाका मेयर एवं कार्यक्रमका प्रमुख अतिथि ज्ञान बहादुर गुरुङ वडाध्यक्ष गजेन्द्र बहादुर राई र वडा सदस्यहरु हेम गिरी, गंगादेव राईले करुवा प्रदान गर्दै फुल माला र अविर लगाएर संयुक्त रुपमा सम्मान गरेका थिए ।
कार्यक्रममा बाेल्दै मेयर गुरुङले ८ नं वडामा ४८ लाख ५० हजार ८ नं काे बजेट विनियाेजन गरिएकाे भन्दै साे बजेट कुन कुन शिर्षकमा खर्च हुँदैछ खबरदारी गर्न आग्रह गर्नु भयाे । उहाले पाख्रवास नगरपालिका क्षेत्रका कृषकहरुलाई कृषि उत्पादनमा सहयाेग पुर्याउन (ADB) सँग ४ वटा प्राेजेक्टमा सहकार्य गरि काम गर्ने तयारी गरिएकाे बताउनु भयाे । जसका लागि किसानहरुले आवश्यक कागजात तथा जग्गाकाे व्यवस्था गरि नगरमा कुरा राख्न सक्ने बताउनु भयाे ।
स्वास्थ्यकाे क्षेत्रमा साढे ४ लाख बजेट रहेकाे भन्दै उहाले १० वटै वडनमा स्वास्थ्य शिविर सञ्चालजका लागि पहल भईरहेकाे जानकारी गराउनु भयाे । त्यस्तै कृषकहरुलाई सहज, समान र सुलभ तरिकाले मल उपलब्ध गराउन पनि पहल भईरहेकाे बताउनु भयाे ।
वडाध्यक्ष राइले निर्वाचनकाे समयमा आफुहरुले जनता समक्ष गरेकाे प्रतिवद्वता अनुसारनै काम गरिरहेकाे बताउनु भयाे । यदि त्यसाे नभएकाे खण्डमा आम नागरिकहरुले खबरदारी गर्न सक्ने बताउनु भयाे । यता कृषक तथा जेष्ठ नागरिकहरुले भने नगर एवं वडाले गरिरहेका काम तथा सेवा प्रति आ-आफ्नाे धारण यसरी राखेका छन् ।
कार्यक्रमकाे सञ्चालन वडा सचिव हिरामान राईले गर्नु भएकाे थियाे ।
