विश्रान्तीमा आयोजना भएको शिवमहापुराणमा १ करोड ५२ लाख बढी नगद संकलन
धनकुटा,२५ फागुन । धार्मिक पर्यटनको प्रर्वद्धन, विश्रान्ति मन्दिरमा संचालित गुरुकुल तथा वृद्धाश्रम व्यवस्थित गर्न सहयोगार्थ धनकुटाको मुलघाटमा आयोजना गरिएको शिवमहापुराणमा भएको खर्च विवरण सार्वजनिक गरिएको छ ।
‘पुराण तपाईंको संयोजन विश्रान्ति’ को भन्ने मूल नाराका साथ फागुन ४ देखि १५ गतेसम्म मुलघाटस्थित विश्रान्ति परिसरमा संचालन भएको शिवमहापुराणमा डेढ करोड भन्दा बढी रुपैया संकलन भएको छ । शिवमहापुराण आयोजना मूल समारोह समितिले पत्रकार संमेलन गर्दै आम्दानी तथा खर्च विवरण सार्वजनिक गरेको हो ।
पुराणबाट १ करोड ५२ लाख ६० हजार ४ सय ५५ रुपैया नगद संकलन भएको जानकारी दिएको हो । पुराणअवधिभर ३७ लाख रुपैया खर्च भएको र संकलित रकमबाट कुल खर्च कटाएर १ करोड १५ लाख ६० हजार ४ सय ५५ रुपैया बचत भएको मूल समारोह समितिका महासचिव जनार्दन घिमिरेले बताए ।
पुराणमा धनकुटा सहित झापा, मोरङ, सुनसरी सहितपूर्वका अधिकांश जिल्लाबाट ३५ हजार भन्दा बढी भक्तजनहरुको उपस्थिति रहेको थियो ।
