शिक्षकहरुलाई सडकमा आउने वातावरण निर्माण नगर्न नेपाल शिक्षक संघ छथर जोरपाटी अध्यक्ष दाहालको माग
धनकुटा,२७ फागुन । नेपाल शिक्षक संघ छथर जोरपाटी गाउँपालिकाका अध्यक्ष हरीप्रसाद दाहालले शिक्षकले उठाएका मागलाई सदन सम्म पुर्याइदिन प्रतिनिधी सभासदस्य तथा पूर्वमन्त्री राजेन्द्र कुमार राई संग आग्रह गर्नु भएकोछ ।
धनकुटाको छथर जोरपाटी गाउँपालिकाको आठौं स्थापना दिवसको अवसरमा पालिका भित्रका सबै शिक्षक संघ, संगठनको तर्फ बाट बोल्दै दाहालले शिक्षकहरुका लाई सडकमा आउने वातावरण निर्माण नगर्न समेत उहाँले माग गर्नु भयो ।
त्यस्तै शिक्षकहरुसंग सरकारले गरेका सम्झौता लाई कार्यन्वयनका गर्नका लागि सदनमा कुरा उठाउन र समस्या समाधानका लागि पहल गर्न समेत आग्रह गर्नु भयो ।
त्यस्तै छथर जोरपाटी गाउँपालिकाले शिक्षा क्षेत्रमा छुट्याएको बजेटको समेत उहाँले प्रसंसा गर्दै दिवा खाजामा पालिकाले दिएको थप रकमले विद्यार्थीको शिक्षण सिकाइमा उत्साह थपेको धारण समेत राख्नु भएको थियो ।
