धनकुटाबाट प्रतिबन्धित लागुऔषध सहित दुई जना पक्राउ
धनकुटा, चैत्र ६ । धनकुटाबाट प्रतिबन्धित लागूऔषध सहित २ जना पक्राउ परेका छन् ।
जिल्ला प्रहरी कार्यालय धनकुटाबाट खटिएको प्रहरी टोलिले लागु औषधको कारोबार भईरहेको भन्ने बिशेष सुचनाको आधारमा धनकुटा नगरपालिका-७ जिरोप्वाईन्ट स्थितबाट २१ बर्षीय रविन राई र १८ बर्षीय रोशन मल्लिक लाई पक्राउ गरेको हो ।
प्रतिबन्धित औषधी ट्रामोल-२ सय ५ क्याप्सुल, स्पास्मो-१ सय २५ चक्की र डिकोलिक-५९ चक्कि सहित उनीहरुलाई नियन्त्रणमा लिइएको हो ।
प्रतिबन्धित लागूऔषध सहित पक्राउ परेका उनिहरुको सम्बन्धमा थप अनुसन्धान भईरहको छ ।
