पत्रकार महासंघ धनकुटाले जिल्ला प्रशासन कार्यालय धनकुटा मार्फत प्रधानमन्त्रीलाई बुझायो ज्ञापनपत्र
नारायण कुमार राई/चैत १९,धनकुटा । राजावादीहरुले गरेको आन्दोलनका क्रममा एभिन्युज टेलिभिजनका पत्रकार सुरेस रजकको आगलागीमा परेर ज्यान गएको विषय र पत्रकार तथा सन्चार गृहहरुमा भएको आगजनिको बिषयलाई लिएर नेपाल पत्रकार महासंघ धनकुटाले जिल्ला प्रशासन कार्यालय धनकुटा मार्फत प्रधानमन्त्रीलाई ज्ञापनपत्र बुझाएको छ ।
महासंघले रजकको मृत्युको गहिरो अनुसन्धान गर्दै घटनामा सलग्न सबैलाई फौज्दारी अभियोग अन्तर्गत कानुनी कारवाही गर्न विभिन्न ६ बुंदे माग गरेको छ ।
महासंघले पत्रकार र विभिन्न सन्चार गृहहरुमा भएको आक्रमणको क्षतिको उचित सम्बोधन नगरे सरकार बिरुद्ध आन्दोलनमा उत्रने चेतावनी दिएको छ ।
महासंघका अध्यक्ष बिदुर खवासले प्रमुख जिल्ला अधिकारी टुवराज पोख्रेललाई ज्ञापन पत्र बुझाउनु भएको थियो ।
ज्ञापन पत्र बुझाउन जिल्ला स्थित पत्रकारहरुको टोली प्रशासन पुगेको थियो ।
