धनकुटाको पाख्रिबासमा आगलागी हुंदा करिब ११ करोड ६ लाख बराबरको क्षति
धनकुटा,चैत २४ । धनकुटामा आगलागी हुंदा करिब ११ करोड ६ लाख बराबरको क्षति भएको छ ।
चैत २३ गते बेलुका ७:३५ बजे जिल्लाको पाख्रिबास नगरपालिका ९ उत्तरपानीमा आगलागी हुंदा उक्त क्षति भएको हो ।
बिद्युत शर्ट भइ लागेको आगलागीबाट अमर श्रेष्ठको काठ र टिनको छानो भएको २ तले घरमा रहेको होलसेल पसल र पसलमा रहेको सम्पुर्ण सामानहरु पूर्ण रुपमा जलि नष्ट भएको साथै पसलमा रहेको नगद ५ लाख पनि जलेको छ ।
आगलागीबाट श्रेष्ठकै अर्को निर्माणाधिन २ तल्ले पक्की घरको झ्याल,ढोका र वाल समेतमा क्षति हुंदा अन्दाजी ११ करोड बराबरको क्षति भएको जिल्ला प्रहरी कार्यालय धनकुटाका प्रहरी निरिक्षक सुमन खड्काले जानकारी दिए ।
श्रेष्ठको घरमा लागेको आगो सल्किन सोही स्थानका खगेन्द्र घिसिङको २ तल्ले निर्माणधिन घरमा पनि आंशिक रुपमा क्षति हुंदा अनुमानित ६ लाख बराबरको क्षति पुगेको छ ।
आगलागीलाई धनकुटा नगरपालिकाको १ वटा दमकल,नेपाली सेना , सशस्त्र प्रहरी, नेपाल प्रहरी,स्थानियवासीको सहयोगमा रातको ११ बजे नियन्त्रणमा लिइएको र कुनै मानवीय,चौपायाको क्षति नभएको प्रहरीले जनाएको छ ।
