इलाममा मोटरसाइकलले ठक्कर दिंदा दुई बर्षिया बालकको मृत्यु
इलाम । इलाममा दुर्घटना हुँदा १ जना बालकको मृत्यु भएको छ ।
बिर्तामोड–दानावारि भित्री सडक खण्डअन्तर्गत माई नगरपालिका–४ सुखानीमा दुर्घटना भएको हो ।
इलामको दानावारिबाट झापाको बिर्तामोडतर्फ आउँदै गरेको मे ९ प ४५९६ नम्बरको मोटरसाइकलले ठक्कर दिँदा झापाको अर्जुनधारा नगरपालिका–६ का रोम पाठकका २ वर्षीय छोरा ओस्कर पाठकको मृत्यु भएको प्रहरीले जनाएको छ ।
प्रहरीका अनुसार नाबालकलाई सोमबार अपराह्न ४ः१० बजेतिर मोटरसाइकलले ठक्कर दिएको थियो । गम्भीर घाइते भएका उनलाई उपचारका लागि बिर्तामोडको बी एन्ड सी अस्पताल पुर्याउनसाथ चिकित्सकले मृत घोषित गरेको प्रहरीको भनाइ छ ।
