इटहरीमा ट्याक्टरले किच्दा ३ बर्षिया बालकको मृत्यु
इटहरी । इटहरीमा ट्याक्टरले किचेर नाबालकको मृत्यु भएको छ।
सुनसरीको इटहरी–१५ स्थित पूजा इँटा भट्टा बाहिर खेलिरहेका ३ वर्षीय माहिर मियाँलाई ट्याक्टरले किच्दा मृत्यु भएको हो ।
इँटा लोड गरी निस्कँदै गरेको ट्याक्टरको पछाडिको चक्काले उनलाई मंगलबार दिउँसो किचेको थियो। गम्भीर घाइते बालकलाई विराटनगरको नोबेल अस्पताल पुर्याउँदा डाक्टरले मृत घोषणा गरे।
चालक पुनबहादुर श्रेष्ठलाई नियन्त्रणमा लिइएको छ। प्रहरी अनुसन्धान अनुसार लापरवाहीकै कारण दुर्घटना भएको हो।
