इलामबाट जबरजस्ती करणी कसुरमा फरार अभियुक्त पक्राउ
इलाम । जिल्ला प्रहरी कार्यालय इलामले जबरजस्ती करणी कसुरको फरार अभियुक्तलाई पक्राउ गरेको छ ।
पक्राउ पर्नेमा इलाम जिल्ला इलाम नगरपालिका १२ साङरुम्बा घर भई हाल देउमाई नगरपालिका ०७ सिद्धिथुम्का ससुराली घरमा बसोबास गर्दै आएका बर्ष २४ को मनोज भन्ने बुद्धिराज लिम्बु रहेका छन ।
लिम्बुले गत असार १८ गते बर्ष २० की इलाम-न (०८१/०८२) लाई जबरजस्ती करणी गरी फरार रहेको थियो । जबरजस्ति करणी गरी फरार रहेका अभियुक्तलाई खोजतलास एंव अनुसन्धानको क्रममा जिल्ला प्रहरी कार्यालय इलामबाट खटिएको बिशेष प्रहरी टोलिले गत वैशाख ११ गते भागी लुकिछिपि बसेको अवस्थामा इलाम नगरपालिका ७ स्थितबाट पक्राउ गरीएको छ ।
पक्राउ परेका निज अभियुक्तलाई जिल्ला अदालत इलाममा उपस्थित गराई मिति २०८२ साल वैशाख ११ गते देखी लागु हुने गरी दिन ५ म्याद थप भई जिल्ला प्रहरी कार्यालय इलामबाट थप अनुसन्धान कार्य भई रहेको छ ।
