धनकुटाका किसान फौजी किराको प्रकोपले चिन्तित
धनकुटा,३० जेठ । खाद्य बालीका रुपमा रहेको मकैमा अमेरिकी फौजी किराको प्रकोप देखिएपछि धनकुटाका किसान चिन्तित भएका छन् ।
फौजी किराको प्रकोप देखिएपछि गोड्ने बेला भएका र दोहोराउने बेला भएका मकै वालि फौजी किराको प्रकोप कै रुप लिए पछि किसान चिन्तित भएको धनकुटा नगरपालिकाका कृषक शुक्रबहादु राईले बताए । त्यस्तै फौजिकीराले किसानको मकैमा निकै ठूलो समस्या सिर्जना गरेको छथर जोरपाटी ४ का किसान वेगबहादुर थापाको भनाई छ ।
धनकुटाका मकै उत्पादन हुने अधिकांस स्थानमा फौजी किराको प्रकोप रहेको छ । दिनमा भन्दा राती बढी सक्रिय हुने भएकोले यसको समस्या झन बढी रहेको किसान बताउँछन् । जिल्लाका अधिकांश किसानले लगाएको मकैमा फौजी किराको प्रकोप देखिएको कृषि ज्ञान केन्द्र धनकुटाले जनाएको छ ।
कृषि ज्ञान केन्द्र धनकुटाले आकस्मिक प्रकोपमा सहयोग कार्यक्रम मार्फत किसान लाई बिषादी वितरण गरि रहेको कृषि ज्ञान केन्द्र धनकुटाका प्रमुख नगेन्द्र राना मगरले बताए । विषादी प्रयोग गर्दा समेत किरा रहेको मकैको गुवामा पर्ने गरि प्रयोग नगरिएका किरा नमर्ने र त्यसका लागि समेत बिशेष विधी अपनाउनु पर्ने प्रमुख राना मगरको भनाई छ ।
मकै लगाउने मुख्य सिजनमै यस किराको प्रकोप बढी हुने भएकोले यसको नियन्त्रणका लागि बिषादीको प्रयोग नै उपयूतm हुने कृषि प्राविधीकहरु बताउछन् । वर्षा नभएको अवस्थामा यसको प्रकोप अझै बढी हुने गरेको छ । धनकुटामा करिब १३ हजार ४ सय हेक्टरमा मकै खेती हुने गरेको छ ।
