सहिदभूमिमा आर्थिक वर्ष २०८१/०८२ मा कृषि सम्बन्धि विभिन्न अनुदान तथा कार्यक्रम सम्पन्न
धनकुटा । सहिदभूमि गाउँपालिका धनकुटाले चालू आर्थिक वर्ष २०८१/०८२ मा कृषि सम्बन्धि विभिन्न अनुदान तथा कार्यक्रम सम्पन्न गरेको छ । पालिकाले कृषि क्षेत्रको उत्थानका लागि अनुदान लगायतका विभिन्न कार्यक्रम सञ्चालन गरेको हो ।
जस अनुसार ५०% लागत साझेदारी कार्यक्रम अन्तरगत पालिकाले यश वर्ष किसानलाई १३ वटा समूह तथा सहकारी मार्फत १३ थान मिनिटिलर २ लाख ७५ हजारको वितरण गरिएको छ ।
यस्तै लगत साझेदारी कार्यक्रम अन्तरगत ५०% अनुदानमा विषादी स्पेयर ९४ पिस पालिकाको २७ वटा कृषि समूह तथा सहकारीको कृषकलाई वितरण गरिएको छ । माहुरी पालन व्यवसाय वृद्धि विकासका लागि ५० थान आधुनिक माहुरी घार १६ वटा कृषि समूह तथा सहकारीका कृषकलाई ५०% प्रतिशत लगत साझेदारीमा १ लाख ५० हजारको कृषकलाई वितरण गरिएको कृषि शाखा प्रमुख दिनेन्द्र राईले बताउनुभयो ।
यस्तै गरि तरकारी खेती बाट कृषकलाई उत्पादनमा वृद्धि गरि आयआर्जनमा थप सहयोग पुर्याउने उद्देश्यले गाेलभेडाको बीउ ६ हजार ६६ प्याकेट , खुर्सानीको बीउ १ हजार १० प्याकेट २६ वटा कृषि समूह तथा सहकारीका कृषकलाई १० लाख बराबरको वितरण गरिएको छ ।
गोलभेडा बाली संरक्षणका लागि १ हजार ३० केजी किटनासक ढुसि लगायत रोग नियन्त्रण गर्न प्रयोग हुने विषादी ४० हजार बराबरको २४ वटा कृषि समूह तथा सहकारीलाई वितरण गरिएको जनाएको छ ।
यस्तै गरि फौजी किरा नियन्त्रणका लागि किटनासक विषादी किङस्टार निशुल्क ८३ सय ३३ प्याकेट ३ लाख ५० हजारको वितरण कार्य भईरहेकाे छ ।
यस्तै गरि गाउँपालिकाले उन्नत जातको केराखेति विस्तार तथा प्रवर्द्धनका लागि ५०% प्रतिशत अनुदानमा २० वटा कृषि समूह तथा सहकारीका कृषकलाई टिस्यु कल्चर बाट तयार पारिएको उन्नत जातकाे २३ सय ५० बोट केराको बिरुवा १ लाख ५० हजारको वितरण गरिएको कृषि शाखा प्रमुख दिनेन्द्र राईले जानकारी दिनु भएको छ ।
पालिकाले माटोको उर्वर शक्ति बढाउने तथा माटो सुधार गर्ने उद्देश्यले पालिका स्तरीय माटो शिविर कार्यक्रम सञ्चालन गरिएको छ ।
