धनकुटामा यसरी मनाइयो गठेमङ्गल अर्थात् घण्टाकर्ण पर्व
धनकुटा,७ साउन । प्रत्येक वर्ष श्रावण कृष्ण चतुर्दर्शीका दिन मनाइने गठेमङ्गल अर्थात् घण्टाकर्ण पर्व धनकुटामा समेत मनाइएको छ ।
चाडपर्वमध्ये सबैभन्दा जेठो मानिएको गठेमङ्गल अर्थात घण्टाकर्ण पर्व धनकुटामा सांस्कृतिक परम्पराअनुसार विशेषगरी धनकुटा सदमुकामका नेवार समुदायले मनाउँने गर्दछन् ।
परापूर्वकालदेखि मनाउँदै आएको यस पर्वमा गठेमङ्गल नाम गरेको नरभक्षी राक्षस मारिएको सम्झनास्वरूप बिहानै हरियो सिमाली , निगालो अथवा गहुँको छ्वाली मिसाएर तीनखुट्टे राक्षसको स्वरूप बनाई दोबाटो अर्थात चोकमा उभ्याइने चलन छ ।
केटाकेटीले बाटामा डोरी टाँगेर पैसा उठाउने र राति राँको बाली उक्त राक्षसको प्रतीक घिसार्दै जलाउने चलन छ ।
