झापाको दमकमा बसको ठक्करबाट एक जना साइकल यात्रीको मृत्यु
झापा । झापाको दमकमा बसको ठक्करबाट एक जना साइकल यात्रीको मृत्यु भएको छ।
शनिबार बिहान करिब ६:४५ बजे दमक–४ चियाबगानस्थित पूर्व–पश्चिम राजमार्गमा उर्लाबारीबाट दमकतर्फ जाँदै गरेको प्रदेश नं. १–०१–००१ ख ४३६३ नम्बरको यात्रुबाहक बसले दमकबाट ताराबारीतर्फ जाँदै गरेका ६० वर्षीय सोमबहादुर बिकलाई ठक्कर दिएको थियो।
गम्भीर घाइते अवस्थामा रहेका बिकलाई उपचारका लागि दमक अस्पताल लगिएको थियो। तर, बिहान ७:३० बजे उपचारको क्रममा उनको मृत्यु भएको हो।
घटनामा संलग्न बस, साइकल र बस चालक मकवानपुर हेटौडा–७ का ४७ वर्षीय राजेन्द्र गौतमलाई इलाका प्रहरी कार्यालय दमकले नियन्त्रणमा लिएको छ।
