यसरी गरियो राधाकृष्ण मन्दिरको शिलान्यास (फोटो फिचर)
धनकुटा,२६ साउन । श्रीमद् भागवत प्रचार-प्रसार सेवा संघ जिल्ला शाखा धनकुटाद्वारा पाख्रिबास नगरपालिका ४ मा अवस्थित सिमसार, बौद्द मूर्ति नजिकै धार्मिक पर्यटन प्रवर्दनका लागि सुरु गरिएको राधाकृष्ण मन्दिरको एक समारोहका बिच आज शिलान्यास गरिएको छ ।
पाख्रिबास नपाका प्रमुख ज्ञान बहादुर गुरुंगको प्रमुख आतिथ्यतामा पुरोहितद्वारा विधिपूर्वक पूजापछि मन्दिरको शिलान्यास गरिएको हो ।
कार्यक्रममा विभिन्न राजनैतिक दलका प्रतिनिधि,समाजसेवी,स्थानियवासी ,श्रीमद् भागवत प्रचार-प्रसार सेवा संघ जिल्ला शाखा धनकुटाका पदाधिकारी,मन्दिर निर्माण समितिका पदाधिकारी लगायतको उपस्थिति रहेको थियो ।
करिब डेढ रोपनी क्षेत्रफलमा सुरु गरिएको मन्दिरमा परिसरमै हल र शौचालय पनि निर्माण गरिने तर अहिले तत्कालै मन्दिर निर्माणलाई प्राथमिकता राखेर काम भइरहेको मन्दिर निर्माण समितिका अध्यक्ष बिष्णु बिक्रम निरौलाले बताए ।
