धनकुटाको महालक्ष्मी नगरपालिका छ्यालुङ लाक्टाङ गाउँका ७ घर पहिरोको जोखिममा
धनकुटा,३ भदौ । धनकुटाको महालक्ष्मी नगरपालिका २ स्थित छ्यालुङ लाक्टाङ गाउँका ७ घर पहिरोको जोखिममा परेका छन् ।
पहिरोका कारण छ्यालुङ लाक्टाङ गाउँ मुनि रहेको खेत बग्न थालेको छ । बस्ती मुनिको खेत, जंगल र अलैंचीबारीबाट सुरु भएको पहिरोले माथि रहेको बस्ती तान्ने जोखिम बढेको महालक्ष्मी नगरपालिकाका प्रमुख धुब्रराज रायले जानकारी दिनुभयो ।
एकसाता सम्म परेको बर्षा पछि छ्यालुङ लाक्टाङ गाउँका १३ मध्ये उच्च जोखिममा परेका ४ घरलाई तत्काललै सुरक्षित स्थानमा सार्नु पर्ने अबस्था छ ।यसैबीच महालक्ष्मी नगरपालिका प्रमुख ध्रुवराज राय तथा प्रमुख जिल्ला अधिकारी टुवराज पोख्रेल सहितको जिल्ला विपदव्यबस्थापन समितिको टोलीले पहिरोग्रस्त छ्यालुङ लाक्टाङ गाउँको अनुगमन गरेको छ ।
अनुगमन पछि पहिरोको जोखिम क्षेत्रका स्थानीयलाई नजिकैको बालबिकास केन्द्रको भवनमा सार्ने निर्णय भएको महालक्ष्मी नगरपालिका प्रमुख ध्रुवराज रायले बताउँनु भयो ।
