धनकुटाको श्री निशान भगवती मन्दिर परिसरमा बिधिवतरुपमा मौलो पुजा सम्पन्न
धनकुटा , असोज १५ । धनकुटा नगरपालिका वडा नं.६ बीचबजार स्थित श्री निशान भगवती मन्दिर परिसरमा बिधिवत रुपमा मौलो पूजा सम्पन्न भएको छ ।
आज बिहान बिहान शुभ साईतमा धनकुटा जिल्लाका प्रमुख जिल्ला अधिकारी शिवराम गेलाल,भीमदल गण सल्लेरी ब्यारेक,धनकुटाका प्र.से.गणेश थापा,जिल्ला प्रहरी कार्यालय धनकुटाका प्रमुख प्रहरी उपरीक्षक शरत कुमार थापा क्षेत्री,सप्र बल नेपाल नं.-६ गुल्म हेक्वा,छिन्तांङका सप्रनाउ प्रेम प्रसाद सिग्देल लगायतको उपस्थितिमा बिधिवतरुपमा मौलोमा पूजाअर्चना गर्नुका साथै सङ्कल्प पूजा भएको छ ।
संगठनको कार्य सम्पादनमा कुनै पनि किसिमको अनिष्ट नहोस र सम्पूर्ण कार्यमा सफलता प्राप्त होस भनि नेपाल प्रहरीले परम्परागत रुपमा मौलो पूजा गर्दै आईरहेको छ ।
