धनकुटामा बस दुर्घटना अपडेट : दुई जनाको मृत्यु,सात जना घाइते(नामावली सहित)
धनकुटा,२९ असोज । धनकुटामा बस दुर्घटना हुंदा दुई जनाको मृत्यु र ७ जना घाइते भएका छन् ।
मृत्यु हुनेमा जिल्लाको महालक्ष्मी नगरपालिका ६ वस्ने अन्दाजी ५५ बर्षिया गंगा कार्की र महालक्ष्मी नपा ९ बस्ने ६० बर्षिया डिल्ली बरालको उपचारको क्रममा जिल्ला अस्पताल धनकुटामा मृत्यु भएको जिल्ला प्रहरी कार्यालय धनकुटाका प्रवक्ता डीएसपी राजन कार्कीले जानकारी दिए ।
घाइतेहरुमा मोरङ केरावारी गाउपालिका ९ बस्ने ६० बर्षिया देवि न्यौपाने,महालक्ष्मी नपा ९ बस्ने ७५ बर्षिया तारादेवि काफ्ले,महालक्ष्मी नपा ७ बस्ने ३२ बर्षिया सृजना जिमी,महालक्ष्मी ८ बस्ने १७ बर्षिया खुशी लुंगेली,मोरङ सुन्दरहरैचा नपा ७ बस्ने दिल कुमार खड्काको छोरी अन्दाजी ८ बर्षिया अंगीता खड्का,धनकुटा नगरपालिका ४ लोकसेवा वस्ने अन्दाजी ४५ बर्षिया दुर्गा तिम्सिना र बस चालक सुनसरीको इटहरी उप-महानगरपालिका १७ बालग्राम बस्ने ५० बर्षिया कुल बहादुर मगर रहेका छन् ।
घाइते चालक मगरको हिले पोलिक्लिनिकमा उपचार पश्चात प्रहरी चौकी हिलेको नियन्त्रणमा रहेको प्रहरीले जनाएको छ ।
आज बिहान करिब ११;४५ गते बजे धनकुटा नपा-३ निगाले स्थित कोशी लोक मार्गमा बिराटनगरबाट महालक्ष्मीको जीतपुर तर्फ जाँदै गरेको प्रदेश १-०२-००१ख ९६०६ नम्बरको बस आफै अनियन्त्रित भई बाटोमा पल्टि दुर्घट्ना भएको हो ।
दुर्घटनाको खबर पाउनसाथ जिप्रका धनकुटाबाट प्रहरी उपरीक्षक शरत कुमार थापा क्षेत्री समेतको कमाण्डमा प्रहरी टोली, सशस्त्र प्रहरीको टोलि र नेपाली सेनाको टोलि घट्नास्थल पुगि घाइतेहरुको उद्धार गरी जिल्ला अस्पताल धनकुटामा उपचार भइ रहेको प्रवक्ता कार्कीले बताए ।
बसमा ३० जना यात्री रहेको जनाइएको छ ।
