इलाका प्रहरी कार्यालय अनारमनी र ट्राफिक कार्यालयको भवन तथा सवारी साधन तोडफोड, आगजनी गर्ने दुई जना पक्राउ
झापा । इलाका प्रहरी कार्यालय अनारमनी र ट्राफिक कार्यालयको भवन तथा सवारी साधन तोडफोड, आगजनी गर्ने दुई व्यक्ति पक्राउ परेका छन् ।
गत भदौ २४ गते झापाको इलाका प्रहरी कार्यालय अनारमनी, जिल्ला ट्राफिक प्रहरी कार्यालय बिर्तामोडमा कार्यालय तथा साना ठुला सवारी साधनमा ढुंगामुढा, तोडफोड, आगजनी गर्ने तथा प्रहरी कर्मचारीलाई ज्यान मार्ने उद्धेश्यले बाँसमा डोरीले बाँधी अमानवीय तवरले झुण्ड्याई विभिन्न स्थानामा घुमाउने व्यक्तिहरु पक्राउ परेको कोशी प्रदेश प्रहरी कार्यालय विराटनगरले जनाएको छ ।
पक्राउ पर्नेहरुमा –
१. बिर्तामोड नगरपालिका-५ का २२ बर्षीय राजन चौधरी,२० बर्षीय आयुस धिमाल, कनकाई नगरपालिका-१ का ४२ बर्षीय गोपाल संग्रौला, अर्जुनधारा-७ कि २४ बर्षीया पुजा मगर, २८ बर्षीय सुरज मगर र सुनसरी हरिनगर-१ का २२ बर्षीय साहिल अन्सारीलाई अपराधिक उपद्रव गर्न नहुने कसुरमा ।
२. बिर्तामोड नगरपालिका-५ का २६ बर्षीय नवराज राईलाई ज्यान मार्ने उद्योगमा कारवाही तथा थप अनुसन्धान भइरहेको ।
