झापाको शिवसताक्षीमा श्रीमानलाई बाम्फोक प्रहार गर्ने श्रीमती पक्राउ
झापा । झापाको शिवसताक्षीमा श्रीमानलाई बाम्फोक प्रहार गर्ने श्रीमती पक्राउ परेकी छन् ।
गएराति १२ बजे शिवसताक्षी नगरपालिका वडा नम्बर ११ झिलझिले बस्ने ३३ वर्षीय टंकबहादुर सुब्बालाई सामान्य घरायसी विवादका कारण उनकी श्रीमती ४४ वर्षीया कमला तामाङले धारिलो हतियार बाम्फोक प्रहार गरेकी हुन् ।
टंकबहादुरको दाहिने खुट्टामा गहिरो चोट लागेको छ । घाइतेलाई उपचारको लागि बीएण्डसी अस्पताल बिर्तामोड ल्याइएको छ । उनको अवस्था बोल्न नसक्ने गम्भीर रहेको छ ।
हतियार प्रहार गर्ने कमलालाई बाम्फोकसहित नियन्त्रणमा लिई इलाका प्रहरी कार्यालय झिलझिलेमा राखिएको छ।
