रवि-राँके सडक खण्डमा मोटरसाइकल दुर्घटना,एक जनाको मृत्यु
इलाम । मोटरसाइकल दुर्घटना हुँदा इलाममा एक जनाको मृत्यु भएको छ । रवि-राँके सडक खण्डमा भएको मोटरसाइकल दुर्घटनामा परि फाकफोकथुम गाउँपालिका–४ निवासी सुवास सारु मगरको मृत्यु भएको हो । आज साँझ करिब ५ बजे रवि–राँके सडक खण्डअन्तर्गत रवि माथि धोद्रे भन्ने स्थानमा भएको दुर्घटना भएको हो।
सप्तमी बजारबाट रवि तर्फ गइरहेको बा ९९ प ८८०१ नम्बरको क्रसफायर मोटरसाइकल अनियन्त्रित भई दुर्घटना भएको प्रहरीले जानकारी दिएको छ । दुर्घटनाबाट गम्भीर घाइते भएका चालक मगरलाई उपचारका लागि आधारभूत अस्पताल रवि लगिएको थियो । उनलाई चिकित्सकले मृत घोषणा गरेका थिए।
मोटरसाइकलमा पछाडी सवार काशीनाथ मगरको अवस्था सामान्य रहेको जनाइएको छ। घटनाबारे थप अनुसन्धान भइरहेको इलाका प्रहरी कार्यालय रविका इन्स्पेक्टर दुर्गा बहादुर राईले जानकारी दिए।-मिसन इलामबाट
