‘एसिएन हाइवे’ निर्माणमा अवाञ्छित गतिविधि
झापा । पूर्व–पश्चिम महेन्द्र राजमार्गअन्तर्गत काकरभिट्टा–लौकही खण्डमा सञ्चालन भइरहेको सडक विस्तार तथा सुधार कार्य(एसिएन हाइवे निर्माण)का क्रममा अवाञ्छित गतिविधि बढ्दै गएपछि आवश्यक शान्ति सुरक्षा व्यवस्था मिलाइदिन सम्बन्धित निकायसँग आग्रह गरिएको छ ।
एभ्रास्कोन/कालिका संयुक्त उद्यम (JV) द्वारा एशियाली विकास बैंक (ADB) को ऋण सहयोग तथा नेपाल सरकारको सहकार्यमा सञ्चालन भइरहेको SASEC Highway Enhancement Project (SHEP) अन्तर्गत प्याकेज–१ (CH: 0+000 – CH: 45+000) मा सडक विस्तार तथा सुधार कार्य तीव्र रूपमा अघि बढिरहेको छ ।
आयोजनाका क्रममा निर्माण सामग्रीको ढुवानी, भारी मेसिनरी उपकरणको सञ्चालन तथा कार्यस्थलमा मजदुर र प्राविधिकहरूको आवतजावत बढिरहेको अवस्थामा केही स्थानमा बाह्य व्यक्तिहरूको अवाञ्छित गतिविधिका कारण काममा अवरोध सिर्जना भएको आयोजनाले जनाएको छ ।
त्यस्ता गतिविधिका कारण निर्माण सामग्रीमा क्षति पुग्ने, कामदारको व्यक्तिगत सुरक्षामा जोखिम बढ्ने तथा समग्र निर्माण कार्य प्रभावित हुने अवस्था देखिएको छ ।
