धनकुटाका दुई जना गांजा सहित सुनसरीबाट परे पक्राउ
धनकुटा । धनकुटाका दुई जना गांजा सहित सुनसरीबाट पक्राउ परेका छन् ।
पक्राउ पर्नेमा जिल्लाको चौबिसे गाउंपालिका ७ का २५ वर्षीय साजन लिम्बु र १९ वर्षीय गगन लिम्बु छन् ।
सुनसरीको इनरुवा नगरपालिका-६ भोटेपुलबाट पूर्वबाट पश्चिमतर्फ जाँदै गरेको को २ ह ६१२५ नम्बरको अटोलाई प्रहरीले रोक्न खोज्दा चालक साजनले नरोकी भागेपछि इनरुवा – ४ बाट प्रहरीले अटो नियन्त्रणमा लिएको थियो ।
अटोमा चेकजाँच गर्दा ९९ किलो एक ग्राम गाँजा बरामद भएपछि चालक साजनसहित अटोमा सवार गगनलाई पक्राउ गरिएको सुनसरीका प्रहरी प्रवक्ता डीएसपी चन्द्र खड्काले जानकारी दिए ।
