अरुण तेस्रोमा कार्यरत २२ वर्षीय तामाङको मृत्यु
संखुवासभा । भारतीय कम्पनी सतलजले निर्माण गरिरहेको अरुण तेस्रो जलविद्युत परियोजनाका १ जना मजदुरको मृ,त्यु भएको छ ।
संखुवासभाको मकालु गाउँपालिका–५ फ्याक्सिन्दास्थित परियोजनाको ‘ड्याम साइट’मा कार्यरत मजदुर मोरङको केराबारी गाउँपालिका–१० घर भएका २२ वर्षीय बाउट तामाङ मृत फेला परेको संखुवासभा प्रहरीका सूचना अधिकारी, इन्स्पेक्टर धनबहादुर राजवंशीले बताए ।
उनका अनुसार उत्तर–दक्षिण कोशी राजमार्गको नालीमा तामाङलाई मंगलबार दिउँसो मृत अवस्थामा फेला पारिएको थियो ।शवलाई पोस्टमार्टमा लागि जिल्ला अस्पताल खाँदबारीमा राखिएको छ ।
तामाङको मृत्युको कारण प्रष्ट भइनसकेको र थप अनुसन्धान सुरु गरिएको प्रहरीले जनाएको छ ।
