घरदैलो कार्यक्रमलाई तिव्रता दिंदै नेकपाका उम्मेदवार कुशल लिम्बू
मोरंग । मोरङ क्षेत्र नं. १ बाट नेपाल कम्युनिष्ट पार्टीका प्रतिनिधिसभा उम्मेद्वार कुशल लिम्बूले उर्लाबारीमा घरदैलो तथा भेटघाट कार्यक्रम सुरु गरेका छन् ।
जनतासँग प्रत्यक्ष भेटघाट गर्दै उनले पार्टीको नीति, कार्यक्रम र भावी योजनाबारे जानकारी गराउँदै मतदाताको सुझाव संकलन गरेका छन् ।
उक्त कार्यक्रममा समानुपातिक उम्मेद्वार ममता राजवंशी, पार्टीका केन्द्रीय सदस्यहरू विशेन्द्र चेम्जोङ, बलबहादुर घिसिङ र खगेन्द्र पराजुली, साथै नगरअध्यक्ष गजेन्द्र दंगालसहित पार्टीका नेता–कार्यकर्ताहरूको सहभागिता रहेको थियो।
भेटघाटका क्रममा उम्मेद्वार लिम्बूले मोरङ क्षेत्र नं. १ को समग्र विकास, रोजगारी सिर्जना, सामाजिक न्याय र सुशासनका लागि नेपाली कम्युनिष्ट पार्टी प्रतिबद्ध रहेको बताए ।
उनले आगामी निर्वाचनमा पार्टीको चुनाव चिन्ह तारामा मतदान गरी विजयी गराउन मतदातासँग अपिल गरेका छन् ।
स्थानीयवासीहरूले घरदैलो कार्यक्रमलाई सकारात्मक रूपमा लिँदै विकास र परिवर्तनका विषयमा आफ्ना धारणा र अपेक्षा व्यक्त गरेका थिए।
