इरानी आक्रमणमा परी एक नेपालीसहित ३ जनाको मृत्यु
काठमाडौं । इरानी आक्रमणमा परी युएईमा एक नेपालीको मृत्यु भएको छ। त्यहाँको रक्षा मन्त्रालयका अनुसार एक नेपालीसहित ३ जनाको मृत्यु भएको हो।
मन्त्रालयका अनुसार मृत्यु हुनेमा नेपालीसहित पाकिस्तानी र बंगलादेशी नागरिक रहेका छन्। त्यस्तै इमिराती, इजिप्टियन, इथियोपियन, फिलिपिनो, पाकिस्तानी, इरानी, भारतीय, बंगलादेशी, श्रीलंकाली, अजरबैजानी, यमनी, युगान्डाली, इरिट्रियन, लेबनानी र अफगान नागरिक गरी ५८ जना सामान्य घाइते भएका छन्।
मन्त्रालयले हवाई प्रतिरक्षा प्रणालीमार्फत ब्यालिस्टिक मिसाइल र ड्रोन अवरोध गर्ने क्रममा केही अवशेष देशका विभिन्न भागमा खसेका कारण सर्वसाधारणका सम्पत्तिमा सामान्यदेखि मध्यम स्तरसम्मको भौतिक क्षति पुगेको जनाएको छ। मन्त्रालयले सशस्त्र बल कुनै पनि खतरा सामना गर्न पूर्ण तयारी अवस्थामा रहेको दोहोर्याउँदै नागरिक, बसोबास गर्ने विदेशी र आगन्तुकको सुरक्षा सर्वोच्च प्राथमिकतामा रहेको स्पष्ट पारेको छ।
